قمر رضا شہزاد ایک بڑے انسان ہیں ، اُن کے ساتھ گزشتہ کئی سالوں سے خلوص ، اعتماد اورعزت و احترام کا ایک بے لوث سا تعلق چلا آرہا ، میں اسے اپنی خوش نصیبی ہی کہوں گی کہ انہوں نے "سخن ور فورم" کے زیر ِ اہتمام مُلتان ٹی ہاؤس کے بہت خوبصورت ہال میں میرے شعری مجموعہ "وارفتگی" کی تقریب ِ پزیرائی کا اہتمام کیا, مُلتان کی یہ ادبی تنظیم " سُخن ورفورم" معتبر کیوں نہ ہوکہ اس تنظیم سے جُڑے چاروں نام یعنی جناب قمر رضا شہزاد ، جناب رضی الدین رضی بھائی جان ، جناب شاکر حسین شاکر اور جناب نوازش علی ندیم اردو ادب کا سنجیدہ اورمعتبر حوالہ ہیں ۔۔۔۔۔۔۔۔۔
جب آپ کے ارد گرد آپ کے اپنے ۔۔۔۔۔۔آپ کے پیارے ۔۔۔۔آپ کی خوشیوں میں دل سے شریک نظر آئیں تویہ سب اِک خوبصورت خواب کے جیسا لگنے لگتا ہے ۔۔۔ سو اِسی خوبصورت احساس کو پانے کے لئے فرحت پروین اور سلمان طارق کے ساتھ اولیاء کرام کی سرزمین ملتان کو رخت ِ سفر باندھا ۔۔۔۔۔
بھلا ہو موٹر وے بنانے والوں کا کہ ہمارا یہ بہت خوشگوار سا سفر مختصراور آسان بھی کردیا ۔۔۔۔۔۔
قمر صاحب نے اپنے گھر میں ہی ہم چاروں کو مہمان کیا ۔۔۔۔۔۔۔۔۔ چونکہ شاکر بھائی مسلسل رابطے میں تھے۔۔۔۔۔۔۔۔۔لہزا سوا چار بجے قمر صاحب ہمیں پاک ٹی ہاؤس لے گئے ، مہمانوں سے بھرا ہوا کشادہ ہال۔۔۔۔۔۔۔۔۔۔ نہایت محبت اور خلوص کے ساتھ جناب شاکرحسین شاکر ، رضی بھائی جان اورجناب نوازش علی ندیم نے ہمارا استقبال کیا ۔۔۔۔۔۔ بِلاتاخیرتقریب کا آغاز ہوا ، شاکر بھائی کی نظامت نے کیا خوب سماں باندھا ۔۔۔۔۔۔۔۔۔۔پروفیسر انور جمال نے کرسی ء صدارت سنبھالی اُن کے ایک طرف فرحت پروین جو مہمانِ خصوصی تھیں اور دوسری طرف میں یعنی ناز بٹ !
شاکر بھائی کے خوبصورت ابتدائیہ نے ہی خاصہ جزباتی کر دیا تھا ، سونے پر سہاگہ قمر صاحب کی گفتگو ۔۔۔۔۔۔۔۔آنکھیں بارہا بھیگتی رہیں
فضہ شہوار، ڈاکٹر قراۃ العین ور رفعت ناہید نے "وارفتگی" کے حوالے سے خوبصورت مضامین پڑھے، رضی بھائی جان سے دوسری ملاقات تھی انہوں نے وارفتگی کے حوالے سے سیر حاصل گفتگو کی۔۔۔۔۔دل تشکر سے بھر گیا ان کے بعد نوازش علی ندیم کے بہت خوبصورت مفصل مضمون " محبت کی دھنک " نے ورطہ ء حیرت میں ڈال دیا ۔۔۔۔۔۔۔ جناب نوازش علی ندیم سے پہلی ملاقات تھی لیکن ان کا خوبصورت مضمون ان کے خلوص کا مظہر تھا ، فرحت پروین نے بھی محبتوں کا حق ادا کردیا ، بہت خوبصورت مضمون پڑھا
جناب قمر رضا شہزاد اور رضی بھائی نے مجھے سرائیکی اجرک اوڑھائی ۔۔۔۔۔۔۔۔وہ کیفیت ہی اور تھی ۔۔۔۔۔۔۔۔۔۔۔ شاکر بھائی نے بتایا کہ سرائیکی اجرک تحفہ کرنا ملتان کی روایت ھے ۔۔۔۔۔ احباب نے پھولوں کے تحائف سے بھی نوازا ۔۔۔۔۔۔۔پھول اور خوشبو میری کمزوری ۔۔۔۔۔۔۔۔۔۔۔ سو خوشبووں کے حصار میں ھوں
کبھی کبھی انسان ایسی جذباتی کیفیت سے گزرتا ھے جس کا اظہار لفظوں میں نا ممکن ھو جاتا ھے۔۔۔۔۔۔ بس تو اس وقت شدید جزباتی سی کیفیت سے گزر رھی تھی ۔۔۔۔۔۔ کبھی آنکھیں بھیگتی تھیں تو کبھی دل۔۔۔۔۔۔۔۔۔۔۔۔۔۔ تالیوں کے حصار میں کچھ غزلیں
اورنظمیں سنائیں۔۔۔۔۔ آخر میں صدر ِ محفل جناب انور جمال نے خطاب فرمایا
(ناز بٹ)
ایک تبصرہ شائع کریں