 |
| شہزاد بیئر |
اختیاری ہےیا ضروری ہے
مرنے والو ! خدا ضروری ہے ؟
خواب پر انحصار سے پہلے
خواب کا تجزیہ ضروری ہے
جتنا اونچا اٹھو زمیں والو
سانس لازم ، ہوا ضروری ہے
رائیگانی کے اس تسلسل میں
زیست کا مرحلہ ضروری ہے؟
ایک جیون میں کُھل نہیں پاتا
فالتو کیا ھے ، کیا ضروری ہے
لوگ کترا کے چلتے آئے ہیں
اب ترا سامنا ضروری ہے
تیری وحدت کو جاننے کے لئے
کوئی تیرے سوا ضروری ہے
اس لئے بھی میں بات کرتا ہوں
تیرگی میں دیا ضروری ہے
ایک تبصرہ شائع کریں