غزل

سب کے ہاتھوں میں گلدستے ہو سکتے ہیں
بستی والے ۔۔ ہنستے بستے ہو سکتے ہیں
اس دنیا کے خالق کے گھر ۔۔۔۔۔۔۔۔ جانے والے
جتنے ہم ہیں ۔۔۔۔۔۔ اتنے رستے ہو سکتے ہیں
میرے اسلام علیکم جتنے ۔۔۔۔۔۔۔۔۔۔۔۔۔۔میٹھے
ست سری اکال ۔۔۔۔۔۔ نمستے ہو سکتے ہیں
او یلغاری ۔۔۔۔۔۔۔۔۔۔۔۔۔۔۔۔۔۔۔ جیسے تو لے آتا ہے
میرے پاس بھی ایسے دستے ہو سکتے ہیں
اپنی ساری ٹھنڈک لے کر ۔۔۔۔۔۔۔۔۔۔۔۔۔ باہر جانا
سورج ۔۔۔۔۔۔۔۔ پوری آگ برستے ہو سکتے ہیں
اتنا سستا بیچ دیا ہے ۔۔۔۔۔۔۔۔۔۔میں نے خود کو
لیکن سودے مہنگے سستے ہو سکتے ہیں
تھوڑا سا مدرسہ ۔۔۔۔۔۔۔۔۔۔۔ اگر ہم گھر لے آئیں
کم وزنی ۔۔۔۔ بچوں کے بستے ہو سکتے ہیں
ناصر ۔۔۔۔۔۔۔۔ اپنے دونوں کان سنبھال کے جانا
طعنہ زن ۔۔۔۔۔۔۔۔۔ آوازے کستے ہو سکتے ہیں

ناصر علی