ادبستان اور تخلیقات کے مدیرِاعلیٰ رضاالحق صدیقی کا سفرنامہ، دیکھا تیرا امریکہ،،بک کارنر،شو روم،بالمقابل اقبال لائبریری،بک سٹریٹ جہلم پاکستان سے شائع ہو گیا ہے،جسے bookcornershow room@gmail.comپر میل کر کے حاصل کیا جا سکتا ہے

اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV

جمعرات، 30 اپریل، 2015

دل ِآباد کا برباد بھی ہونا ضروری ہے ۔۔ شعیب بن عزیز

شعیب بن عزیز
دل ِآباد کا برباد بھی ہونا ضروری ہے
جسے پانا ضروری ہے، اسے کھونا ضروری ہے
مکمل کس طرح ہوگا تماشہ برق و باراں کا
ترا ہنسنا ضروری ہے مرا رونا ضروری ہے
بہت سی سرخ آنکھیں شہر میں اچھی نہیں لگتیں
ترے جاگے ہوؤں کا دیر تک سونا ضروری ہے
کسی کی یاد سے اِس عُمر میں دِل کی مُلاقاتیں
ٹھٹھرتی شام میں اِک دُھوپ کا کونا ضروری ہے
یہ خود سر وقت لے جائے کہانی کو کہاں جانے
مصنف کا کسی کردار میں ہونا ضروری ہے
جناب ِ دل بہت نازاں نہ ہوں داغ ِ محبت پر
یہ دنیا ہے یہاں یہ داغ بھی دھونا ضروری ہے

1 تبصرہ:

  1. کسی کی یاد میں اس عُمر میں دل کی ملاقاتیں
    ٹھٹھرتی شام میں اک دُھوپ کا کونا ضروری ہے
    بہت خوب ،،نہایت خوبصورتی سے شاعر نے دل کی مختلف کیفیات کو بیان کیا ہے ۔دل کا برباد و آباد ہونا ،،کسی کی چاہ کو پانا یا کھو دینا ،، ینسنا اور رونا ، جاگتی آنکھیں اور شائد سوتے خواب ۔۔ متضاد رویوں کو شاندار انداز میں شعروں کی لڑی میں پرویا ہے ۔۔اور کیا خوب کہا ہے کہ
    "یہ خود سر وقت لے جائے کہانی کو کہاں جانے " واہ ،،بہت خوب ۔۔ قاری کے دل میں اترتی ہوئی خوبصورت غزل ۔۔

    جواب دیںحذف کریں