اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV


بدھ، 24 ستمبر، 2014

جادہء عشق راہِ طوری ہے ۔۔ علی اصغر عباس

علی اصغر عباس
جادہء عشق راہِ طوری ہے
یہ محبت بھی رختِ نوری ہے
آپ کے ہاتھ سے ملے تو پھر
آبِ سادہ بھی مئے طہوری ہے
عالمِ کیف میں کیا ہر کام
لاشعوری بھی ہو،شعوری ہے
سرگرانی کو کیا سمجھتے ہو
یہ میاں حالتِ حضوری ہے
جامہء عشق ہے کڑکتی دھوپ
جس کو خورشید سے نہ دوری ہے



اتنا بحران ہے تکلم کا
ان کہی بات بھی ادھوری ہے
دوست جب تخلیے میں ملنا ہو
کیا بھلا روشنی ضروری ہے
آنکھ بھر وصل کی نہ مہلت دے
ہجر کا روگ سنگ چوری ہے
زیست کا ما حصل علی اصغر
ناشکیبائی،نا صبوری ہے

کوئی تبصرے نہیں:

ایک تبصرہ شائع کریں