سلام

سبھی غموں سے بڑا غم ، شہ ِ امم ترا غم
جہاں میں زندہ و جاوید و محتشم ترا غم::::

یہی تو ایک اثاثہ ہے زندگی کے لیے
تیرے جلے ہوئے خیمے تیرا علم ترا غم

سبھی دلوں کو اجالوں سے جوڑنے والا
جہاں میں مصدر ِ انوار ایک غم ترا غم

ہمیشہ جھیل بچاتا ہے خشک ہونے سے
ہمارے دیدہ ء نم پر تیرا کرم ترا غم

امڈ پڑی میرے چہرے پہ ایک صبح ِ بہشت
کہ دھو چکا میرے رخ سے غبار ِ غم یرا غم

ہر ایک لہر پہ تحریر غم کے عنواں ہیں
ہر ایک موج نے دیکھا ہے یم بہ یم یرا غم

قدم قدم پہ سپاۃ ِ یزید بیٹھی ہے
قدم قدم پہ ضرورت ہے بیش و کم یرا غم

ابد کی وادی ِ کیف و نشاط کو ہے رواں
ازل سے بہتی ہوئی آب جوئے غم یرا غم

یہی ہے اصلِ زر ِ لا الہ اِلاللہ
دلوں پہ سایہ کناں ہے تری قسم یرا غم

توقیر عباس