ادبستان اور تخلیقات کے مدیرِاعلیٰ رضاالحق صدیقی کا سفرنامہ، دیکھا تیرا امریکہ،،بک کارنر،شو روم،بالمقابل اقبال لائبریری،بک سٹریٹ جہلم پاکستان سے شائع ہو گیا ہے،جسے bookcornershow room@gmail.comپر میل کر کے حاصل کیا جا سکتا ہے

اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV

اتوار، 15 جون، 2014

نگاہ ِیار نہ ہوتو نکھر نہیں پاتا ۔۔ شہزاد نیئر

شہزاد نیئر
مرا نہیں تو وہ اپنا ہی کچھ خیال کرے
اُسے کہو کہ تعلق کو پھر بحال کرے
ملے تو اتنی رعایت عطا کرے  مجھ کو
مرے جواب کو سُن کر کوئی سوال کرے
کلام کر کہ مرے لفظ کو سہولت ہو
ترا سکوت مری گفتگو محال کرے
 نہ گزرے وقت کا پوچھے نہ آنے والے کا
کوئی سوال کرے بھی تو حسب حال کرے
 وہ ہونٹ ہوں کہ تبسم، سکوت ہو کہ سُخن
ترا جمال ہر اک رنگ میں کمال کرے
بلندیوں پہ کہاں تک تجھے تلاش کروں
ہرایک سانس پہ عمر ِرواں زوال کرے
 نگاہ ِیار نہ ہوتو نکھر نہیں پاتا
کوئی جمال کی جتنی بھی دیکھ بھال کرے
 میں اُس کا پھول ہوں نیر ! سو اُس پہ چھوڑ دیا
وہ گیسوؤں میں سجائے کہ پائمال کرے

1 تبصرہ: