بیاض کے زیرِ اہتمام احمد ندیم قاسمی کی ایک سو ایکویں سالگرہ

(رپورٹ: وسیم عباس)
ماہنامہ بیاض کے زیر اہتمام الحمرا ہال نمبر تین ، مال روڈ
میں احمد ندیم قاسمی مرحوم کی سالگرہ منائی گئی ۔

احمد ندیم قاسمی۔۔۔۔۔ ایک عہد ، ایک سایہ دار شجر، جن کی علمی و ادبی خدمات کو ہمیشہ یاد رکھا جائے گا ، جناب عمران منظور ، جناب نعمان منظور اور ماہنامہ بیاض کی پوری ٹیم مرحوم احمد ندیم قاسمی کی سالگرہ ہر سال دھوم دھام سے مناتی ہے،انہوں نے اپنی محبت و عقیدت سےہمارے عہد کے اس معروف ادیب، شاعر، افسانہ نگار، صحافی، مدیر اور کالم نگارکی یاد کو کبھی لوگوں کےدلوں سے محو نہیں ہونے دیا۔

   

تقریب کی صدارت قاسمی صاحب کی صاحبزادی محترمہ ناہید قاسمی نے کی ۔ مہمانانِ خصوصی میں جناب امجد اسلام امجد، جناب جلیل عالی ، جناب امیر حسین جعفری اور جناب جمشید چشتی تھے ۔نظامت کے فرائض  اعجاز رضوی  کے ذمہ تھے۔ 

تلاوتِ قرآنِ پاک اور نعت ِ رسولِ مقبول ؐ کے بعدجناب ایوب خاور نے مکالماتی منظوم خراجِ تحسین پیش کیا ، اُس کے بعد مضامین کا سلسلہ شروع ہوا ۔

اظہارِ خیال کرنے والوں میں نعمان منظور، اسلام عظمی ، امیر حسین جعفری ، جمشید چشتی، جلیل عالی اور امجد اسلام امجد صاحب شامل تھے۔ محترمہ ناہید قاسمی صاحبہ نے اپنے بابا کے بارے میں گفتگو کی اور اُن کی دو نظمیں بھی سنائیں ، تقریب کے بعد احمد ندیم قاسمی مرحوم کی سالگرہ کا کیک کاٹا گیا ۔ احباب کے لئے عشائیے کا اہتمام بھی کیا گیا۔