جگنو انٹرنیشنل نے پنجاب انسٹیٹیوٹ آف لینگوءئج آرٹ اینڈکلچر لاہور کے اشتراک سے  ماہانہ مشاعرہ کی نشست  بیادِ راؤقاسم علی شہزاد(جگنو)منعقدکی۔تقریب کی صدارت   لیجنڈ شاعر نذیر قیصر نے کی۔
اعجاز اللہ ناز بحیثیت مہمانِ خصوصی جبکہ اعظم ملک(اسلام آباد)اور فاطمہ رضوی مہمانِ اعزاز تھے۔
نظامت کے فرائض معروف شاعرہ، ادیبہ جگنو انٹر نیشنل کی چیف ایگزیکٹو ایم زیڈ کنولؔ نے ادا کئے۔ ریاض احمد ریاض نے تلاوت کی۔
 نوجوان نعت خواں محمد عمران چشتی نے نذرانہِ عقیدت بحضور رسولِ مقبولﷺ پیش کیا۔ 
مقصود چغتائی، میڈیا سیکریٹری نے راؤقاسم علی 
شہزاد(جگنو) کے حوالے سے تعارفی کلمات ادا کئے۔
شگفتہ غزل ہاشمی،محمد افضل پارس، احمد فہیم میو، مظہر 
جعفری، وکٹوریہ پیٹرک،ریاض احمد ریاض،شیریں گل رانا، ممتاز راشد لاہوری،ڈاکٹر عمران دانش،علی صدف،  محمد شیراز انجم،  مہ جبیں ملک،رضوان خوشی  اور دیگر نے اپنے 

خوبصورت کلام سے محفل کو گرمایا۔ ایم زیڈ کنول نے نقابت کے دوران اپنی شاعری کے ساتھ ساتھ نذیر قیصر کی خوبصورت شاعری بھی نذرِ حاضرینِ محفل کی، جسے احباب نے بہت پسند فرمایا۔ تقریب میں ایوب کموکا،عابدہ نذیر قیصر، صفیہ،صابری، حاجی ارشاد قادری، اور دیگر شاعروں، ادیبوں، صحافیوں، طلبہ اور دانشوروں کی کثیر تعداد نے شرکت فرمائی۔چیف ایگزیکٹو ا تنظیم ایم زیڈ کنولؔ نے جگنو مشاعرہ کے انعقاد کے سلسلے میں خصوصی تعاون پر ڈائریکٹر جنرل پلاک محترمہ ڈاکٹر صغریٰ صدف اور تمام معزز مہمانوں کا شکریہ ادا کیا اور تقریب اپنے اختتام کو پہنچی۔

Post a Comment