اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV


منگل، 14 فروری، 2017

عجیب کیفیت ہے آج / حامد یزدانی(کینیڈا)

حامد یزدانی

الوداع
……………
عجیب کیفیت ہے آج
مال ( روڈ) کے سہانے آسماں کو کیا ہُوا ہے ؟
اپنے شہر ہی کی اجنبی سڑک 
کہ اَن سُنی زباں میں کوئی نظم ہے
ہر ایک حرف غیر سا
ہرایک آنکھ غم نما
قدم قدم ہے
خامشی بچھی ہوئی
ہر ایک پیڑ رنج سا
کہ ہولے ہولے
سسکیاں سی بھر رہی ہَوا ہے
پھیکی پھیکی سی فضا ہے
جیسے صادقین ؔ نے
سفید شام کے ورق پہ
ہلکے سُرخ رنگ سے
لکھا ہو 
“پیارے الوادع”
۔۔۔۔۔۔۔۔
حامدؔ یزدانی

کوئی تبصرے نہیں:

ایک تبصرہ شائع کریں