ادبستان اور تخلیقات کے مدیرِاعلیٰ رضاالحق صدیقی کا سفرنامہ، دیکھا تیرا امریکہ،،بک کارنر،شو روم،بالمقابل اقبال لائبریری،بک سٹریٹ جہلم پاکستان سے شائع ہو گیا ہے،جسے bookcornershow room@gmail.comپر میل کر کے حاصل کیا جا سکتا ہے

اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV

ہفتہ، 29 اکتوبر، 2016

مرا سادہ سخن! سلجھا ہوا بے ساختہ لہجہ/ تمہاری گفتگو کی ساری تہہ داری سے بہتر ہے/ انجم عثمان

انجم عثمان
قطع کر لیں تعلق! اتنی بیزاری سے بہتر ہے 
محبت میں بھی خودداری، رواداری سے بہتر ہے
بساطِ شوق پہ خود رد کیا اپنے ہی خوابوں کو
کنارا شوق سے تیرے! تری یاری سے بہتر ہے
فسون_آرزو رعنائی اپنی کھو چکا جاناں
تو یہ اقرار کر لینا ریاکاری سے بہتر ہے
زرا ٹھہرو! تم اپنی ساری قسمیں ساتھ لے جاؤ 
جو دل کو چیر دے! یادوں کی اس آری سے بہتر ہے
جو عجز و انکساری! خاکساری ہو طبیعت میں 
تو پھر یہ بندگی میری! تو اوتاری سے بہتر ہے
مرا سادہ سخن! سلجھا ہوا بے ساختہ لہجہ
تمہاری گفتگو کی ساری تہہ داری سے بہتر ہے
نہیں کچھ "ماسوا"! اک پردہ داری کے سوا انجم 
جنوں خیزی! خرد کی ہر فسوں کاری سے بہتر ہے

کوئی تبصرے نہیں:

ایک تبصرہ شائع کریں