ادبستان اور تخلیقات کے مدیرِاعلیٰ رضاالحق صدیقی کا سفرنامہ، دیکھا تیرا امریکہ،،بک کارنر،شو روم،بالمقابل اقبال لائبریری،بک سٹریٹ جہلم پاکستان سے شائع ہو گیا ہے،جسے bookcornershow room@gmail.comپر میل کر کے حاصل کیا جا سکتا ہے
اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV


اتوار، 11 ستمبر، 2016

عید قرباں جذبہِ ایثار کا اظہار ہے / ڈاکٹر احمد علی برقیؔ اعظمی

عید قرباں جذبہِ ایثار کا اظہار ہے
یہ اطاعت کا خلیل اللہ کی معیار ہے
ہے یہ تسلیم و رضا کی ایک لافانی مثال
جان دینے کے لئے فرزند بھی تیار ہے
باپ کا حسنِ عمل بیٹے کا ذوقِ اتباع
اِس مثالی داستاں کا مرکزی کردار ہے
خانہئ کعبہ جہاں ہے اہلِ ایماں کا ہجوم
وہ مقدس سرزمیں اک مطلعِ انوار ہے
حجِ بیت اللہ کی جس کو سعادت ہے نصیب
فضلِ حق سے اُس کی راہِ مغفرت ہموار ہے
ہے یہ تاریخی حقیقت زیبِ تاریخ جہاں 
آگ بھی معمارِ کعبہ کے لئے گُلزار ہے
روح پرور ہیں سبھی ارکان برقیؔ اعظمی
اس حقیقت سے بھلا کس شخص کو انکار ہے

1 تبصرہ:

  1. ہے یہ ادبستان کا عمدہ بلاگ
    کرتا ہے جو خدمتِ شعر و ادب

    صرف میں ہی اس کا گرویدہ نہیں
    معترف ہیں اس کے میرے ساتھ سب
    احمد علی برقی اعظمی

    جواب دیںحذف کریں