 |
| محمد سلیم طاہر |
مرے وجود میں رچ ، بس گیء ہے مدح ِ رسول
مری تو گھٹی کے اندر پڑی ہے ، مدح ، رسول
مرے یقین کی ، کل کایٰنات ، حبٰ ِ نبی
مرے گمان کی بارہ دری ہے مدح ِ رسول
سبھی فرشتوں کے لب پر ، ثنائےشاہ ِ امم
خدا نے ہاتھ سے تحریر کی ہے مدح ِ رسول
دعایٰیں نبیوں نے مانگیں اسی وسیلے سے
زبان ِ حضرت ِ آدم نے کی ہے مدح ِ رسول
مرے وجود سے پہلے بھی ، ذکر تھا ان کا
مرے شعور نے دم دم سنی ہے مدح ِ رسول
میں صبح و شام ، محمد کا ذکر کرتا ہوں
مری نجات کی ضامن بنی ہے ، مدح ِ رسول
ہر ایک وصف سے ہے متٰصف ، خدا کی ذات
بِنائےمدحت ِ یزداں بنی ہے ، مدح ِ رسول
ایک تبصرہ شائع کریں