کبھی تو پہلے ستارے کی طرح شام آو
تم آو دل میں نظارے کی طرح شام آو
صبح جو ڈوبے قمر تم ہی طلوع ہو جاو
ڈھلے جو دن تو کنارے کی طرح شام آو
بحر کی طرح ہر اک لہر میں اٹھو ایسے
میں تم میں ڈوبوں سہارے کی طرح شام آو
پرانی یاد کی ساری محبتوں کی طرح
چمک کے ایک شرارے کی طرح شام آو
مری کتابوں میں لفظوں کی طرح روشن ہو
میری یادوں میں اشارے کی طرح شام آو
تری تلاش میں روشن کروں دئیے انور
ڈھلے جو دن تو ستارے کی طرح شام آو
ایک تبصرہ شائع کریں