 |
| سحر تاب رومانی |
جس سمت میرے خواب کی تعبیر ہے سحر
اس سمت قید خانہ ہے زنجیر ہے سحر
اس تیرگی میں روشنی کے رنگ ہیں ہزار
دامن پہ شب کے دیکھئیے تحریر ہے سحر
حیرت ہے رخ پہ شب کی سیاہی لئے ہوئے
وہ شخص اپنے شہر کی توقیر ہے سحر
ہر ایک بات ہے کہاں دیوار پر لکھی !
جو ہونے والا ہے کہیں تحریر ہے سحر
میرے شعور و فکر کی تجسیم کا سبب
میرے جہان_ شوق کی تصویر ہے سحر
حالات و واقعات کی ترتیب ہے یہی
تخریب ہے سحر کہیں تعمیر ہے سحر
اک عمر ھو گئی وہ زمانہ گزر گیا !
لیکن سنا ہےآج بھی دلگیر ہےسحر
ایک تبصرہ شائع کریں