 |
| اعجاز گل |
کہانی پن ذرا بھی اب کہانی میں نئیں ہے
اٹک کر چل رہی ہے اور روانی میں نئیں ہے
مصیبت میں ہوئی ہے عقل کی اوقات ظاہر
سیانے پن سی شے کوئی سیانی میں نئیں ہے
مری لاحاصلی نے کی ادا رسمِ خسارہ کہ چھوڑی رائگانی رائگانی میں نئیں ہے
ہوئی ہے جیب خالی اب بہت آرام سے ہوں
طلب اشیائے ارزاں کی گرانی میں نئیں ہے
بظاہر کچھ غلط لفظ و معانی میں نئیں ہے
رہے گا بحث میں موجود کج بحثی کی خاطر
کہ حل جس مسئلے کا نکتہ دانی میں نئیں ہے
مزے سب چکھ لئے ہیں آب و دانے کے مکیں نے
کشش باقی کسی نقلِ مکانی میں نئیں ہے
ہمیشہ جاگزیں ہے ہر نشاں میں بے نشانی
نشاں ملتا نشاں کا بے نشانی میں نئیں ہے
خس و خاشاک سیرِ باغ سے اب تھک گئے ہیں
کہ تیزی لگ رہی بادِ خزانی میں نئیں ہے
ایک تبصرہ شائع کریں