 |
| شہزاد نیئر |
طریق ِصبر و رضا کِیا اختیار مولا
وگرنہ زخموں کا آپ کرلے شمار مولا
کوئی فلک سے کہے کہ ریگ ِتپاں پہ اُترے
زمیں پہ آتاہے اب مرا شہسوار مولا
ھر ایک ساعت رہے گا بیدار بخت اِن کا
جو سو رہےہیں مرے یہ شب زندہ دار مولا
سناں پہ سُورج ہی روشنی کا جواز کھولے
گھنیری ظُلمت میں گِھر گیا ہے دیار ، مولا
بس ایک ساعت کا ہے مجھے انتظار ، مولا
ثنائے آل ِعبا کا ریشم لپیٹتا ہوں
دُعا میں چُنتا ہوں گوہر ِ اعتبار مولا
تری حضوری میں باریابی کی منتظر ہے
جو بھیج رکھی ہےآنسوؤں کی قطار مولا
ایک تبصرہ شائع کریں