اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV


پیر، 22 ستمبر، 2014

جشنِ دیدار کا تبرّک ہے ۔۔ عارف امام

عارف امام
سیدھا سادہ ذرا الگ سا ہے
میرا لہجہ ذرا الگ سا ہے
جشنِ دیدار کا تبرّک ہے
ہاں یہ میوہ ذرا الگ سا ہے
دیکھتا ہوں درود پڑھتا ہوں
اس کا چہرہ ذرا الگ سا ہے
پی رہا ہوں وہی پرانی شراب
بس پیالہ ذرا الگ سا ہے

جو کی روٹی بھگوئی پانی میں
یہ نوالہ ذرا الگ سا ہے
رحم ہی رحم ہے کرم ہی کرم
میرا مولا ذرا الگ سا ہے
بات کرتا نہیں کسی سے کوئی
یہ محلہ ذرا الگ سا ہے
قبر میری بھی سب کے جیسی ہے
اس پہ سایہ ذرا الگ سا ہے
لکھتا رہتا ہے صرف ایک ہی بات
لکھنے والا ذرا الگ سا ہے

کوئی تبصرے نہیں:

ایک تبصرہ شائع کریں