ادبستان اور تخلیقات کے مدیرِاعلیٰ رضاالحق صدیقی کا سفرنامہ، دیکھا تیرا امریکہ،،بک کارنر،شو روم،بالمقابل اقبال لائبریری،بک سٹریٹ جہلم پاکستان سے شائع ہو گیا ہے،جسے bookcornershow room@gmail.comپر میل کر کے حاصل کیا جا سکتا ہے

اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV

جمعرات، 26 جون، 2014

اس سکوت وقت میں بس اک نظارہ چاہئیے ۔۔ انور زاہدی

انور زاہدی
اس سکوت وقت میں بس اک نظارہ چاہئیے
ہاں یا ناں کی اک صدا کا ہی اشارہ چاہئیے
ایک مدت سے رہا طالب کسی اقرار کا
بہتے دریا کو بھی آخر اک کنارہ چاہئیے
شام فرقت میں اُداسی رات سے دو چند ہے 
رات گزرے گی بھلا کیسے سہارا چاہئیے
ایک سناٹا ہے پھیلا صبح کاذب میں یہاں 
اب سکوت شب میں شاید اک شرارہ چاہئیے
شاخ غم کو سبز ہی رہنا ہے اب تیرے بنا 
ایک رُت بارش کی اشکوں کا اشارہ چاہئیے
رُوپ انور کس قدر تیرے رہے اے زندگی
آخری بہروپ کا بھی اک نظارہ چاہئیے

کوئی تبصرے نہیں:

ایک تبصرہ شائع کریں