اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV


جمعرات، 26 جون، 2014

خواب پر انحصار سے پہلے ۔۔ شہزاد نیئر

شہزاد بیئر
اختیاری ہےیا ضروری ہے
مرنے والو ! خدا ضروری ہے ؟ 
خواب پر انحصار سے پہلے
خواب کا تجزیہ ضروری ہے
  جتنا اونچا اٹھو زمیں والو
سانس لازم ، ہوا ضروری ہے
 رائیگانی کے اس تسلسل میں
زیست کا مرحلہ ضروری ہے؟
  ایک جیون میں کُھل نہیں پاتا
فالتو کیا ھے ، کیا ضروری ہے
  لوگ کترا کے چلتے آئے ہیں
اب ترا سامنا ضروری ہے
  تیری وحدت کو جاننے کے لئے
کوئی تیرے سوا ضروری ہے 
 اس لئے بھی میں بات کرتا ہوں
تیرگی میں دیا ضروری ہے 

کوئی تبصرے نہیں:

ایک تبصرہ شائع کریں