ادبستان اور تخلیقات کے مدیرِاعلیٰ رضاالحق صدیقی کا سفرنامہ، دیکھا تیرا امریکہ،،بک کارنر،شو روم،بالمقابل اقبال لائبریری،بک سٹریٹ جہلم پاکستان سے شائع ہو گیا ہے،جسے bookcornershow room@gmail.comپر میل کر کے حاصل کیا جا سکتا ہے
اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV


اتوار, مئی 4, 2014

نظم ،،، انحراف،، ۔۔۔ علی زیرک

علی زیرک

اور پھر یوں ہوا
پیش و پَس میں 
مری رائگانی کے باطن سے پھوٹے ہوئے نیلمیں واہمے
خالی پن کھا گئے
اور میں لاسمت کے دائرے میں دھڑکنے لگا
یہ جو اب گرد ہے پہلے آواز تھی 
جو مرے حلق میں اپنی تجسیم ِ نو پر خجالت اُٹھاتی ہوئی 
پھیلتی جارہی تھی
لہو میں سرکتی ہوئی خستگی، دم بہ دم زردآثار آنکھوں کو بہکارہی تھی
بدن ان دنوں سست و کم کوش تھا
ذہن مدہوش تھا
سات رنگوں کو میں نے اکائی کیا
اور ایندھن میں ڈھلتی تمناوءں کو قطرہ قطرہ جیا
تلملاتے ہوئے خوابچے
جن کی تشکیل پر زرد آثار آنکھوں نے گریہ کیا تھا 
چٹختی ہوئی ہڈیوں کے برادے میں گُم ہوگئے
اور میں 'بھیتر' کو بھرپور کرتا ہوا
اپنے' باہر' کے ہیجان سے 
منحرف ہوگیا

کوئی تبصرے نہیں:

ایک تبصرہ شائع کریں