اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV


جمعہ، 1 اپریل، 2011

غزل


وہ اک وجود زمیں پر بھی آسماں کی طرح
مری حدود سے باہر ہے لامکاں کی طرح
وہ اک خیال کوئی بحرِ بے کراں جیسے
مری نظر کسی بوسیدہ بادباں کی طرح
میں لفظ لفظ اسے ہی سمیٹنا چاہوں
مگر وہ پھیلتا جاتا ہے داستاں کی طرح
ازل سے سر پہ کھڑی دوپہر کا منظر ہے
سو اب یہ دھوپ بھی لگتی ہے سائباں کی طرح
مرے بدن میں کوئی شئے یگوں یگوں سے قمر
بکھر رہی ہے کسی ریگِ رائگاں کی طرح
قمر صدیقی

کوئی تبصرے نہیں:

ایک تبصرہ شائع کریں