اردو کے پہلے لائیو ویب ٹی وی ،،ادبستان،،کے فیس بک پیج کو لائیک کر کے ادب کے فروغ میں ہماری مدد کریں۔ادبستان گذشتہ پانچ سال سے نشریات جاری رکھے ہوئے ہے۔https://www.facebook.com/adbistan


ADBISTAN TV


پیر، 24 جنوری، 2011

سفر کی عجلت میں ایک آہنگ

عبادتوں کا اصولوں پہ فیصلہ ہو گا

خُدا کا ہو گیا جو اُس کا ہی خُدا ہوگا

۔۔۔

یہ واذکرونی سے تا اختیار اذ کرکم

میان ارض و سما عشق آئینہ ہوگا

۔۔۔۔

دلوں کے ٹوٹے مکاں بھی چراغ مانگتے ہیں

اب اُس کا خواب مرے دل میں جل رہا ہوگا

۔۔۔۔

" یہ شخص سنگ دلی میں ہے آپ اپنی مثال

میں جانتا ہوں وہ ایسا ہی سوچتا ہوگا

۔۔۔

یہ لوگ ناظرہ خواں ہیں انہیں خبر ہے کہاں

محبتوں کے صحیفوں میں کیا لکھا ہوگا

۔۔۔

نئی لُغت ہے نئِ اصطلاح میں شاید

تعلقات کا مفہوم فاصلہ ہوگا

۔۔۔

لکھا ہوا ہے کہیں لوح زندگانی پر

ترے بھلے ہی میں مسعود کا بھلا ہوگا


مسعود منور

کوئی تبصرے نہیں:

ایک تبصرہ شائع کریں